الحياة تحتاج تنظيم وأفضل حل عشان نشتغل وننجز أكثر باليوم هو تنظيم الوقت مجرد مانعرف كيف ننظم يومنا حياتنا بتكون مليئة بالانجازات
لازم اليوم يكون مثمر وعشان يثمر ويكون كله انجازات لازم نكون ناس صباحية ،if you win themorning you win the dayحاولوا ما تنامون متأخر يعني ناموا ساعة قبل موعد نومكم وكل يومي زيدوا ساعه ومع الوقت بتوصلون للوقت اللي يناسبكم النوم مهم مره لانه اذا ما كان عندك طاقة ومصحصحة الصبح بيصير ماللك خلق وبتكرهين الصباح عشان كذا اخذي كفايتك من النوم
الكتابة مره تساعدك بأنك تنجزين اكثر بيومك تقدرين تاخذين بلانر أو جنده او حتى تكون الكترونية عن طريق البرامج ، ماتدرون وشكثر النقطة هذي مهمة وتساعدك تنجزين أكثر بحياتك لان لما تسجلين كل شئ لازم تسوينه بتحسين بتحفييز اكثر ويفضل تكتبون كل يوم خمسة اشياء تحبونها بنفسكم وخمسة اشياء انتوا ممتنين انها بحياتكم ولما تخلصون حطوا علامه كل شغله خلصتوها بتحسون بفخر وانكم انجزتوا كثير حتى لو كانت ثلاثة اشياء يكفي انكم سويتوا شئ بيومكم حاولواً تخلونها عادة وبتلاحظون انكم تعطون الوقت حقه
حطوا أولوياتكم اول دايماً مهما كان تعلموا تقولون لا اذا كنتي مضغوطة وعندك الف شغلة ليش ترضين تسوين شغل فوق وقتك وطاقتك وماهو عيب ولا قلةادب لا تفضلين غيرك على نفسك بالنهاية هذي حياتك وهذا وقتك وانتي تقررين اذا ودك تندمين عليه أو تستغليه صح ، رتبي اولوياتك شوفي الاولويات
تنقسم لثلاثة الاول هي اشياء مو لازم تتأجل لان وراها عواقب اذا ما انجزتيها والثانية هي ثانوية ممكن تقدمينها على الثالثة وممكن تعطينها مكان الاولى والثالثة هي مو شئ اساسي ما يأثر كثيير على يومك
0 التعليقات