5tips for a healthy lifestyle | ٥ خطوات لحياة صحية
12:58 ص
الكل يطمح و يحلم لحياة صحية و مثالية والبعض يشوف فكرة أن حياته بتتغير صعبة ومستحيلة !
الفكرة صح مب سهلة لكن هي مو مستحيلة الصيف بدأ والاغلب يحب يستثمر ويخصص وقت لعادات صحيه عشان كذا عندي لكم ٥ خطوات لحياة صحية
- تناول أطعمة مختلفة
لصحة أفضل ، احنا نحتاج أكثر من ٤٠ نوع ومستحيل نعتمد على نوع واحد عشان يغطي كل احتياجنا اليومي ومانقدر نعتمد علو وجبة وحدة لازم يومنا كله يكون مليئ بطعام متوازن .
- استبدال العادات السيئة يأخرى مفيدة
يعني مثلاً بدل ما تاكلين سناك كله دهون وسكريات تقدرين تعتمدين على الفواكة والخضروات والمكسرات مثلاً جزر وخيار مع حمص للتغميس .
- التمرين
لازم الحركة تكون شئ أساسي من يومنا ، والحركه تظمن لكم حياة صحية وتبعد عنكم الامراض وتساعدنا نحرق سعرات حرارية اكثر وهذا مره يساعد القلب والدورة الدمويه و العظام والجهاز الهضمي ، مو لازم نكون رياضيين محترفيين يكفي نتحرك ونعطي وقت لجسمنا .
١- استخدام الدرج او السلالم بدل المصعد
٢- غتنموا فرصة للمشي وحاولواً توقفون السيارة بمكان بعيد
٣- استغلوا الويكند وخلنا نحاول نعمل انشطة رياضية مع العائلة
- تخصيص وقت لنفسكم
بعيداً عن الضغوطات والازعاج الروح محتاجة عناية ودعم معنوي دايماً شجعي ذاتك وقولي لها كلام حلو ، وخصصي لو ١٠ دقائق لك تقعدين فيها مع نفسك بهدوء وتسوين يوغا أو حتى تمارين تنفس وتقدرين تتأملين مره بتساعدك وبتقلل التوتر و الارهاق والارق
- تحركوا وابدأوا ، والتغيير يجي مع الوقت
الخطوات الصغيرة تصنع المعجزات! مايصير تصدمون جسمكم بعادة وتتوقعون منه يتعود عليه وتصير من الروتين ، طيب ابدأوا ٣ ايام بدون ما تضغطون على نفسكم وتقدرون تكتبون الاشياء اللي ودكم تنجزونها بيومكم مثلاً وجباتكم أو تمرينكم وكذا مابيكون صعب عليك ان نسلط الضوء على الاشياء اللي نقدر نحسنها
١- ماعندكم وقت للفطور؟ اخذوا صحن صغير من الشوفان مع حبة توست أو فاكهة ومع الوقت تصير من روتين يومكم
٢- تتأخرون الصبح؟ ناموا بساعة قبل موعد نومكم الاساسي وحطوا منبه بالجوال قبل عشر دقائق من الوقت اللي تبون تقومون فيه ومع كل يوم زيدوا الساعات
وقللوا الدقائق
٣- اكلكم المفضل سعراته كثير؟ تقدرون تقللون الكمية بخدعة بسيطة دايما استخدموا اطباق\صحون اصغر وبتحسون الكمية كثيير وكذا بتقل كمية اكلكم
0 التعليقات