♡

بالنسبه لليوم راح اتكلم عن الورك اوت و الاكل و بعض المشاهير اللي عندهم نفس نوع الجسم . 

مثل ما قلنا جسم التفاحه تتركز فيه الدهون بالمنطقه العلويه على عكس السفليه ، فلازم نركز على المنطقه العلويه بالتمارين بس طبعا ما نركز بس على تمارين معينه لازم نهتم بالمنطقه السفليه 

و ما ننسى تمارين الاحماء عشان ما نصادف شد عضلي بعد التمرين ، و ما ننسى المشى وحاولي و انتي تمشين  وانتي شاده بطنك و ممكن بالبدايه تواجهين صعوبه بالتمارين بس هذا شئ طبيعي اذا ما كنتي منتظمه و تسوين رياضه كل يوم او 3 مرات بالاسبوع . 

النظام الغذائي 

اهم شئ تحاولين تبتعدين عن الكربوهيدرات المضره و نستبدلها بالمفيده يعني بدل المعكرونه العاديه ناخذ السمرا ، يعني اخذي حبتين فاكهه وحاولي تشربين كوب واحد من الحليب القليل الدسم او خالي الدسم و حاولي تكثرين من الالياف يعني الخضروات والفواكه وابتعدي عن القمح الغير كامل الابيض واخذي الاسمر و اقطعي السكريات .

واهم شئ لا تتوترين ولا تفقدين الامل من اول اسبوع مستحيل الدهون هذي تروح بيوم وليله مثل ما انتي اخذتي سنوات وانتي تاكلين لازم تاخذين وقت واستمتعي وانتي تتمرنين واعرفي ان الشئ اللي تسوينه اليوم هو اللي راح يحدد صحتك بالمستقبل 

كيف اعرف نوع جسمي ؟ 

اول شئ لازم نعرف انواع الاجسام ومميزاتها وسلبياتها ، و اهم شئ لازم تعرفوا ان ما في جسم مثالي بينهم كلهم لازم نشتغل عليهم عشان نحصل الجسم اللي نبيه ومثل ما تعرفون ما في شئ يجي بيوم وليله شئ طبيعي انك تحتاجين  6 شهور او سنه عشان تحصلين النتيجه اللي ترضيك وتختلف المده من بنت لثانيه ، اهم شئ انك ما تفقدين الامل وخل اصرارك وعزيمتك اقوى من كل شئ . 

 التفاحه او المثلث المقلوب ، وهذا الجسم الدهون تكون متركزه في الصدر و البطن والوجه و الكتفين عريضين والرجلين يكونون اضعف منطقه بالجسم . 

 الكمثرى او الاجاص ، هذا الجسم يكون الخصر فيه نحيف والمنطقه السفليه و الارداف هي الممتلئة.

 

الموز او المسطره ، تتميز بجسم نحيف وبسبب نحفها الزايد ما يكون عندها صدر او خصر او مؤخره .

الساعه الرمليه ، قياس الورك و الصدر متساوي ، و دائماً يزيد الوزن في منحنيات الجسم . 

بعد ما عرفنا انواع الاجسام وبعض مميزاتها نقدر نعرف نوع جسمنا ، ومثل ما قلت بكتب بوست كامل عن كل نوع جسم وبكتب النظام الغذائي اللي يناسبه .