♡

بالنسبه لليوم راح اتكلم عن الورك اوت و الاكل و بعض المشاهير اللي عندهم نفس نوع الجسم . 

مثل ما قلنا جسم التفاحه تتركز فيه الدهون بالمنطقه العلويه على عكس السفليه ، فلازم نركز على المنطقه العلويه بالتمارين بس طبعا ما نركز بس على تمارين معينه لازم نهتم بالمنطقه السفليه 

و ما ننسى تمارين الاحماء عشان ما نصادف شد عضلي بعد التمرين ، و ما ننسى المشى وحاولي و انتي تمشين  وانتي شاده بطنك و ممكن بالبدايه تواجهين صعوبه بالتمارين بس هذا شئ طبيعي اذا ما كنتي منتظمه و تسوين رياضه كل يوم او 3 مرات بالاسبوع . 

النظام الغذائي 

اهم شئ تحاولين تبتعدين عن الكربوهيدرات المضره و نستبدلها بالمفيده يعني بدل المعكرونه العاديه ناخذ السمرا ، يعني اخذي حبتين فاكهه وحاولي تشربين كوب واحد من الحليب القليل الدسم او خالي الدسم و حاولي تكثرين من الالياف يعني الخضروات والفواكه وابتعدي عن القمح الغير كامل الابيض واخذي الاسمر و اقطعي السكريات .

واهم شئ لا تتوترين ولا تفقدين الامل من اول اسبوع مستحيل الدهون هذي تروح بيوم وليله مثل ما انتي اخذتي سنوات وانتي تاكلين لازم تاخذين وقت واستمتعي وانتي تتمرنين واعرفي ان الشئ اللي تسوينه اليوم هو اللي راح يحدد صحتك بالمستقبل 

كيف اعرف نوع جسمي ؟ 

اول شئ لازم نعرف انواع الاجسام ومميزاتها وسلبياتها ، و اهم شئ لازم تعرفوا ان ما في جسم مثالي بينهم كلهم لازم نشتغل عليهم عشان نحصل الجسم اللي نبيه ومثل ما تعرفون ما في شئ يجي بيوم وليله شئ طبيعي انك تحتاجين  6 شهور او سنه عشان تحصلين النتيجه اللي ترضيك وتختلف المده من بنت لثانيه ، اهم شئ انك ما تفقدين الامل وخل اصرارك وعزيمتك اقوى من كل شئ . 

 التفاحه او المثلث المقلوب ، وهذا الجسم الدهون تكون متركزه في الصدر و البطن والوجه و الكتفين عريضين والرجلين يكونون اضعف منطقه بالجسم . 

 الكمثرى او الاجاص ، هذا الجسم يكون الخصر فيه نحيف والمنطقه السفليه و الارداف هي الممتلئة.

 

الموز او المسطره ، تتميز بجسم نحيف وبسبب نحفها الزايد ما يكون عندها صدر او خصر او مؤخره .

الساعه الرمليه ، قياس الورك و الصدر متساوي ، و دائماً يزيد الوزن في منحنيات الجسم . 

بعد ما عرفنا انواع الاجسام وبعض مميزاتها نقدر نعرف نوع جسمنا ، ومثل ما قلت بكتب بوست كامل عن كل نوع جسم وبكتب النظام الغذائي اللي يناسبه . 

هاي ، لازم اعترف بشىء أنا مو مره صحية ومع اني اخربط مرات بالأكل ، لكن من حلو اننا ناكل اكل مفيد وصحي ولذيذ بنفس الوقت وصدقوني هذا بيأثر على بشرتكم وشعركم بشكل ملحوظ ! راح اعطيكم مجموعه اطعمه لذيذه ولها فوايد عظيمه وكثيره   

                                

   

فيه اطعمه كثير تساعدنا نحافظ على طاقتنا طول اليوم مثل [ الموز • اللوز • الشوكلاتة السوداء • حبوب الشوفان الكاملة ] و بعد بذور الكتان والعسل تحتوي على القليل من السكر وهي مصدر للطاقه 

                                   
 

عشان نحس ان جسمنا احسن من برا ومن داخل ✔️

زيت الزيتون : مجرد ما تضيفونه للاكل راح يقلل من جفاف الجلد ، حتى يساعد انه يحد الرؤوس السوداء و الحبوب و سمعت انه اذا حطيتي يدك بزيت زيتون دافىء لكم دقيقه وتشطفين يدك بالماء راح تكون يدكم ناعمه . 

بابايا : تحتوي على فيتامين A اللي يساعد على بقاء الجلد مخملي وناعم ، مضاده لحب الشباب . 

الملفوف : غني بمضادات الاكسده + فيتامين [A/E] و يقلل من الدهون والكريسترول في الدم ويساعد الدوره الدمويه . 

بذور الشيا + الكتان : اذا ما كنتي تحبين او ما تاكلين السمك بتكون هي مصدر بديل للاوميغا 3 . 

صحة الفم 

الكرفس : يعطي تطهير للفم وتوفير بعض تمارين للثة عن طريق مضغ الالياف الموجوده

الزبيب : بتقولون فيه سكر والسكر مضر ؟ لا يقلبي السكر اللي فيه من النوع اللي ما يضر بصحه الاسنان ، يقتل البكتيريا اللي تسبب التسوس + وتخفف السعال 👍🏼 

التفاح : تساهم بتبيض الاسنان وتزيد من انتاج اللعاب اللي يساعد في هضم و مضغ الاكل .